Eventos

Peter Pan

Marzo 14th, 2011  |  Published in| the_category Eventos, Literatura

A edición da novela desta famosa personaxe cumpre 100 anos.

Raquel López Veleiro

O Salón do Libro Infantil e Xuvenil de Pontevedra seguirá aberto ata o 3 de abril

Marzo 11th, 2011  |  Published in| the_category Eventos, Literatura_infantil_e_xuvenil

O XII Salón do Libro Infantil e Xuvenil de Pontevedra amplía as súas data de apertura. En principio estaba previsto que a clausura fose o 19 de marzo, pero o número de visitas (máis de 24.000 persoas pasaron pola mostra desde a súa inauguración o 6 de febreiro) fixo que os responsables do evento decidiran estender 15 días máis a súa oferta.

O Salón, ademais dos diferentes espazos e exposicións (entre elas, unha dedicada á autora Gloria Sánchez), inclúe un amplo programa de actividades (obradoiros, espectáculos musicais, teatro, contacontos…), en principio dirixidas aos máis novos, pero de interese para o público de calquera idade.

A sede do Salón é o Pazo da Cultura de Pontevedra, e o horario de visita é de luns a venres polas tardes, o sábado todo o día e os domingos e festivos pola mañá. Héctor.

Día Internacional da Muller

Marzo 8th, 2011  |  Published in| the_category Eventos

Para conmemorar o 8 de marzo, Día Internacional da Muller, a biblioteca Concepción Arenal da USC (situada no Campus Sur, agora coñecido como Campus Vida) presenta Libros e Muller, unha escolma bibliográfica das incorporacións dos últimos tres anos de temática feminina, desde igualdade de oportunidades, o acceso das mulleres a postos directivos ou aspectos lexislativos da igualdade, ata debates sobre xénero e política, relixión ou economía.

A mostra recolle unha pequena parte dos libros existentes nesta biblioteca relacionados co tema, nun intento de facer visible o que ás veces pasa desapercibido nos estantes. As mesas de exposición están xusto na entrada da bilbioteca, e poderán visitarse durante todo este mes de marzo.

E que lugar mellor para unha exposición sobre libro e muller que nunha biblioteca que leva o nome de Concepción Arenal (1820-1893), escritora e avogada ferrolá, precursora e pioneira coa súa presenza en múltiples ámbitos sociais, académicos e laborais, nos que ata entón a tradición limitaba o acceso da muller. Toda unha adiantada ao seu tempo á que cómpre lembrar nunha data coma esta. O que haxa ou non de certo sobre o seu romance con Montero Ríos quedará para sempre agochado na traseira dalgunha das páxinas da nosa historia. Héctor.

A Asociación Culturgal convoca un concurso público para a dirección da Feira das Industrias Culturais

Marzo 8th, 2011  |  Published in| the_category Eventos

Preparando o traballo de promoción do libro “A filla do ladrón de bicicletas” atopeime coa noticia de que a Asociación Culturgal convoca un concurso público para a dirección da Feira das Industrias Culturais.

Déixovos o enlace ás bases:
http://www.culturgal.com/content/nova.php?ide=164

Paula C.

Candidatos aos premios da AELG

Marzo 5th, 2011  |  Published in| the_category Eventos

Os socios e socias da Asociación de Escritoras e Escritores en Lingua Galega escolleron os finalistas da XII edición dos premios á mellor obra publicada en 2010 nas modalidades de ensaio, poesía, narrativa, tradución, teatro, blog literario, LIX e traxectoria xornalística.

As obras gañadoras daranse a coñecer na Cea das Letras, que terá lugar o vindeiro 30 de abril no hotel Porta do Camiño de Santiago de Compostela. Neste enlace aparecen os finalistas en cada unha das categorías. Héctor.

30 primaveras sen Cunqueiro

Febreiro 28th, 2011  |  Published in| the_category Eventos

Xusto hoxe fanse 30 anos da morte de Álvaro Cunqueiro, do que este ano tamén se cumpre o centenario do seu nacemento. E tamén se fan 20 anos desde que en 1991 se lle dedicou o Día das Letras Galegas, tan só 10 anos despois do seu pasamento, período mínimo de transición que non sei se oficial ou oficiosamente a Real Academia Galega respecta antes de elixir o escritor homenaxeado o 17 de Maio. A última novidade editorial é un libro de Alvarellos Editora no que se recollen os textos que Cunqueiro dedicou á cidade de Lugo, a segunda casa dos escritor despois do seu Mondoñedo natal.

Cunqueiro non é só unha figura senlleira da literatura galega, senón tamén da española e, sen esaxerar moito, tamén da universal. A súa habelencia como narrador total levouno a destacar en xéneros tan dispares como a narración, o teatro, a poesía, o xornalismo ou a súa grande paixón, os libros de cociña.

O mindoniense foi eterno candidato ao Nobel nos últimos anos da súa vida, e non se sabe quen perdeu máis con este desencontro: se o premio ou o escritor. Como di Jaureguizar no seu Cabaret Voltaire: “Nobel nunca terá un Cunqueiro”. E non sería por falta de méritos: García Márquez recibiuno en 1982 por ser (ademais do mellor escritor do século XX en lingua castelá) o abandeirado dunha corrente denominada Realismo Máxico, da que Cunqueiro foi precursor e máximo expoñente.

A súa mestría nesta mestura de realidade e ficción non está só en obras como Merlín e familia, Crónicas do sochantre ou Se o vello Sinbad volvese ás illas; tamén se pode gozar en Cocina cristiana de Occidente (1969), unha recompilación de pratos do gusto do escritor, pero inzada de anécdotas, curiosidades, personaxes, quimeras e as máis fabulosas invencións: desde sucesos insólitos a lendarios ágapes, pasando por descricións asombrosas ou directamente falsas.

Por certo, hoxe tamén se fan 125 anos doutra data máis amable: o nacemento, en 1886, do rianxeiro Daniel Alfonso Roríguez Castelao. Héctor.

El escritor frente al abismo

Febreiro 28th, 2011  |  Published in| the_category Eventos, Internet, Promoción

Decía Marcos Calveiro el pasado jueves, que un autor debe ser  consciente, como “padre de la criatura”, de su papel en la promoción de su libro, y trabajar paralelamente al plan de la editorial, acudiendo a charlas en clubes de lectura, a centros educativos, generando titulares en la prensa.

En relación con dicho comentario, encontré el blog de la publicista y escritora Neus Arqués, que recoge la experiencia del lanzamiento de su primera novela en el libro Marketing para escritores, publicado por la editorial Alba. En la introducción de la obra, que se puede leer en el mentado blog, habla de la dificultad de publicar por primera vez, de la necesidad de conocer el proceso editorial y también de la red como terreno propicio para un primer contacto con un potencial público lector. La página web sobre literatura Lecturalia recoge en un post una interesante reflexión sobre esta relación entre los escritores y las nuevas maneras de comunicación en la red: es el “renovarse o morir” del mundo de la industria del libro, el camino a escoger cuando las entrevistas en la radio o las firmas de libros ya no parecen suficiente. 

Los blogs son uno de los recursos preferidos por los escritores, como la propia Neus Arqués afirma. No son solo espacios donde dar a conocer los trabajos propios, sino que también son mentidero de noticias sobre el universo literario. Tal es el caso de la excelente bitácora del autor peruano Iván Thays, Moleskine Literario

Facebook, Twitter y Tuenti son también herramientas que los autores usan ya con soltura para dar a conocer su trabajo y comunicarse con sus lectores. El periodista Ezequiel Martínez comenta en su blog  (magnífico también) una peculiar entrada en el sitio sobre literatura Lit Drift, acerca de escritores fallecidos que hubieran utilizado Twitter de haber tenido ocasión. Esto no hace sino poner de manifiesto la importancia de la inmediatez de este tipo de redes, un enlace rápido y directo a los receptores al otro lado de la pantalla. 

Así mismo, proyectos como el de tobe-continued.com, que cuentan con la colaboración de escritores reconocidos (Santiago Ronclagliolo o Agustín Fernandez Mallo, entre otros), o talleres literarios como el de fuentetajaliteraria.com, en el que autores ya publicados imparten cursos de escritura creativa, ayudan también de alguna manera a que la labor del literato se viva con mayor cercanía. Y lo mismo sucede en el caso de los festivales de la palabra, como el Versátil.es de Valladolid, toda una pasarela para autores y editores de poesía, cuya próxima edición se celebrará entre los días 14 y 17 de marzo.

En el sobresaturado mercado editorial cualquier manera parece buena a la hora de llamar la atención del lector. Y es que no hay nadie tan interesado en el éxito de un libro como el propio autor. Itziar

Compostweets

Febreiro 27th, 2011  |  Published in| the_category Eventos

Este sábado pasado a Cidade da Cultura acolleu unha reunión de profesionais e expertos en novas tecnoloxías, co fin de analizar a relevancia que as redes sociais teñen actualmente na comunicación. Esta primeira edición do encontro denominouse Compostweets, e estaba organizada pola axencia de publicidade e deseño gráfico Lúdica 7, de Santiago.

Entre os temas desenvolvidos na xuntanza estiveron o impacto publicitario e promocional das redes sociais, a importancia de que as institucións apoien (e mesmo fagan uso) deste tipo de ferramentas, as vantaxes de organizar a presenza nas redes sociais desde un organismo coordinador e o establecemento de contacto con iniciativas similares noutras parte de España.

Dúas mesas redondas, unha master-class, talleres e relatorios conformaron o programa da xornada, na que participaron arredor de 250 persoas relacionadas dun ou doutro xeito (nalgúns casos, só como usuarios) desta nova maneira de entender a información, e á que aínda quedan infinitas posibilidades por atoparlle e aproveitar. Eventos coma este demostran que Galicia (e o galego, a vixésimo segunda lingua máis usada en Twitter a nivel mundial) non quere permanecer allea a esta revolución no mundo da comunicación. Héctor.

Feira do libro de París

Febreiro 21st, 2011  |  Published in| the_category Comercialización, Editoriais, Eventos, Feiras do libro, Feiras_do_libro, Promoción

Cando traballaba en TGC Print, unha das feiras de visita obrigatoria era o Salon du livre de París, que se celebra cada ano polo mes de marzo. Esta feira do libro reúne a pequenas, medianas e grandes editoriais de Francia e dos países francófonos e adoitan a agruparse no pavillón en seccións por rexións xeográficas. Para as imprentas españolas os editores franceses son uns dos seus principais clientes internacionais, polo que a visita dos impresores a esta gran feira da edición en lingua francesa é moi interesante dende o punto de vista comercial. Asimesmo, agora que teño que cambiar a miña perspectiva, debo dicir que para un editor é un exemplo de promoción editorial e de intercambio cultural digno de ser visitado. Para os que poidades ir, esta edición 2011 terá lugar no pavillón Paris Expo da Porte de Versailles entre os días 18 e 21 de marzo. Unha fin de semana que ainda estades a tempo de planificar.

J. Augusto

Lanzamento 2.0

Marzo 18th, 2010  |  Published in| the_category Blogs_libros_edición, Creación _editorial, Editoriais, Eventos

Esta tarde, ás 20.00, a libraría Couceiro acolle en Compostela a posta de largo de 2.0 Editora, o lanzamento dunha nova editorial no panorama galego cunha vocación e aposta que promete aunar os soportes e formatos novos e os tradicionais. A andaina comeza coa presentación dos primeiros títulos que abren dúas coleccións: Mundos, de narrativa (coas traducións ao galego da Guía do autostopista galáctico, de Douglas Adams, e de Sen novas de Gurb, de Eduardo Mendoza) e Folcsonomías, de ensaio sobre comunicación e sociedade (o primeiro título será Un idioma preciso, de Xusto R. Río).

Esta aparición que, lemos na prensa, “axita o panorama da insdustria cultural galega”, trae da súa man tamén unha nova incorporación ao universo dos blogs sobre edición e comunicación cultural.

Raquel López

Feira do libro infantil en Bolonia

Marzo 2nd, 2010  |  Published in| the_category Eventos, Feiras_do_libro, Literatura_infantil_e_xuvenil

Do martes 23 ao venres 26 de marzo terá lugar a Feira do libro infantil en Bolonia, Italia, a cita máis importante para a compravenda de dereitos de autores deste campo da literatura. Trátase da XLVII edición deste encontro, reservada en exclusiva para profesionais do sector: editores, autores, tradutores, ilustradores, axentes, impresores, bibliotecarios, ensinantes, libreiros…                                         Tina P.

Xornadas galegas de edición independente

Marzo 2nd, 2010  |  Published in| the_category Editoriais, Eventos, Noticias_literarias

Desde hoxe en Santiago vai haber unha reunión das editorias “Periféricas” para tratar sobre a edición independente e do sitio que ocupan na actualidade. Nestas xornadas haberá presentación de libros e virán algúns representantes de Portugal e Euskadi onde se van tratar temas como as licenzas libres.

Máis información aquí

Anxo Bea

Suspendido o I Congreso Iberoamericano de Lingua e Literatura Infantil e Xuvenil

Febreiro 27th, 2010  |  Published in| the_category Eventos, Literatura_infantil_e_xuvenil, Noticias_literarias

Queda suspendido o Primeiro Congreso Iberoamericano de Lingua y Literatura Infantil e Xuvenil que se viña celebrando estes días en Chile. A terrible traxedia coa que espertabamos esta mañá e que sumaba aínda máis amargura ao café de primeira hora foi a causante da suspensión deste congreso arredor da literatura infantil e xuvenil. Con esta fantástica iniciativa, na que participaban ilustradores, autores e expertos en literatura infantil e xuvenil de máis de 16 países, entre eles España, pretendíase ofrecer unha visión global do estado da literatura infantil e xuvenil en Iberoamérica e acadar medidas para fomentar o hábito lector nos nenos. Un proxecto moi estimulante e enriquecedor que agardamos poida rematar de mellor maneira nas próximas edicións. O blog Pizca de papel faise eco desta noticia e ofrece información sobre as actividades e relatorios levados a cabo no Congreso antes de ser suspendido. E.C.

Salón do libro Infantil e Xuvenil de Pontevedra

Febreiro 26th, 2010  |  Published in| the_category Eventos, Literatura_infantil_e_xuvenil, Promoción

Xa está en marcha este salón que cada ano cobra máis pulo. Semella unha boa alternativa a posta en marcha de diversos obradoiros, contacontos, obras de teatro e concertos. PSR.

As Correntes D’Escritas en Povoa de Varzim

Febreiro 25th, 2010  |  Published in| the_category Bibliografía, Eventos, Noticias_literarias

Entre o día 24 e o 27 deste mes temos unha cita coa edición 2010 das Correntes D’Escritas que todos os anos se celebran na vila portuguesa de Póvoa de Varzim. Esta é unha das citas máis importantes da literatura lusófona (Portugal, Moçambique, Brasil, Angola, Cabo Verde…), sen esquecer a presenza de autores en lingua castelá e galega.  A un paso de nós, aínda estamos a tempo de acudir a algunha das sesións que se celebran no fin de semana.

Germano Almeida, Zuenir Ventura, Gonzalo Celorio, Isaac Rosa, Hector Abad Faciolince, Imma Monsó, Luandino Vieira, Malangatana, Milton Fornaro, Manuel Rui, Francisco Moita Flores e Inês Pedrosa son algúns dos autores que participan nesta edición 2010.

Aquí tedes o programa deste ano.

José Luis Mateo